CHC-helikopter fekk problem – måtte landa på nordsjøplattform

(NPK-NTB): Eit helikopter frå CHC Helikopter Service med 14 passasjerar og to pilotar om bord måtte fredag formiddag gjera ei uplanlagt landing på ei plattform i Nordsjøen.

npk@npk.no

Publisert: 10.06.2016 kl 15:35

Sist oppdatert: 10.06.2016 kl 18:09

– Det gjorde ei «føre var»-landing på Ula-plattforma. Landinga skjedde som ei følgje av at pilotane fekk varsel om lågt oljetrykk, seier CHC-pressekontakt Elisabeth Skarsbø Moen til VG.

Helikopteret var undervegs til Sola etter å ha vore på Ekofisk då det kom ein indikasjon på at noko var feil med oljetrykket, får NTB opplyst. Varselet førte til at helikopteret måtte landa på Ula-plattforma.

Helikopteret av typen Sikorsky S-92 står framleis på plattforma medan det ventar på tekniske undersøkingar. Mannskapet blir tekne vare på på staden.

– Indikatorlampen som lyste, indikerer at noko er feil, men vi veit ikkje kva. Teknikarar er no på veg til Ula for å kontrollera maskinen, seier Moen til NTB.