Danmarks statsminister er skuffa og overraska over Trumps avlysing
Danmarks statsminister Mette Frederiksen seier ho er skuffa og overraska over at USAs Donald Trump har avlyst statsbesøket til Danmark.
På ein pressekonferanse i København onsdag gav Frederiksen uttrykk for misnøya si med avlysinga, som kom etter at Trump viste interesse for å kjøpe Grønland.
- Eg har til liks med mange andre sett fram mot besøket, og framfor alt til å markere det sterke bilaterale samarbeidet. USA er ein av våre viktigaste allierte, sa Frederiksen.
- Invitasjonen vår står fast, sa ho vidare.
Frederiksen har avvist førespurnaden og kalla den absurd.
(©NPK)