Dei norske Gullballen-kandidatane klare

Prisen blir delt ut på Idrettsgallaen, som i år blir arrangert 9. januar i Lillehammer.

– Det er tre sterke kandidatar som alle har utmerkt seg positivt både for klubb- og landslag gjennom året. Juryen er godt fornøgde med innstillinga, og alle er verdige kandidatar til Gullballen 2015, seier toppfotballsjef og juryleiar Nils Johan Semb til fotball.no.

Mens Tettey nyt stor tillit i Norwich, der han også har fått låne kapteinsbindet, rauk Elabdellaouis Olympiakos nyleg ut av meisterligaen. 24-åringen er fast innslag på venstreback hos den greske storklubben.

Hegerberg bøttar på si side inn mål for franske Lyon. Denne sesongen har det blitt 28 scoringar på 16 kampar i serien. (©NPK)