Delar av hovudbygget på Jan Mayen kan kollapse

Dette skriv Forsvarets Forum.

Hovudbygget på Jan Mayen stod ferdig i 1960 og hadde då ei berekna levetid på 10 år.

Likevel har det vorte ståande fram til no, og ifølgje ein rapport frå Cyberforsvaret er bygd prega av alvorlege ròteskadar i berande konstruksjonar. I rapporten står det også at øya dagleg blir ramma av jordskjelv.

Det står vidare at jordskjelv på øya vanlegvis er av låg styrke, men at ein ikkje veit kor kraftige skjelv bygningsmassen vil tole. Dessutan fryktar dei at sjølv eit mindre skjelv kan føre til utslepp av asbest.

Fungerande sjef i Cyberforsvarets base- og alarmtenester (CBA) seier til forumet til forsvaret at Cyberforsvaret lenge har prøvd å etablere nye bygg på Jan Mayen.

– Det er ikkje ideelt, men det er også den einaste bygningsmassen som finst på øya, og gitt vêr og klima så er det slik at bygging på Jan Mayen tek tid, skriv Bjørge i ein e-post til Forsvarets Forum.

Han skriv også at bygningsmassen vart kontrollert tidlegare i år, og at han vart vurdert å vere i forsvarleg stand til dagens bruk, med unntak av nokre forhold som var under utbetring.

Ifølgje rapporten er det viktig å raskt få avklart når nye bygg kan stå klare.

(©NPK)