«Den kurdiske reven» blir hevda å ha kontaktar høgt oppe hos tyrkiske styresmakter

Påstanden kjem frå journalisten Mehmet Güc, som har undersøkt koplingar mellom den tyrkiske staten og mafiaen sidan 90-talet.

Fleire alvorlege valdshendingar i Sverige den siste tida blir knytte til ein intern konflikt i Foxtrot-nettverket, som blir leidd av Majid.

Majid fekk tyrkisk statsborgarskap etter at han forlét Sverige i 2018. Det skulle ikkje vore mogleg, meiner Güc.

– Den tyrkiske etterretningstenesta MIT har veldig, veldig god kontroll på området som han kjem frå. Det er nesten umogleg at dei ikkje kjende til den kriminelle bakgrunnen hans ettersom han er kurdar og kjem frå Irak, seier han.

Ifølgje tyrkiske medium bur Majid i eit eksklusivt strøk i Istanbul. Det tolkar Güc som at han ikkje gøymer seg frå tyrkiske styresmakter. Han trekkjer også fram Aftonbladets avsløring om at Majid skal ha fått tilgang på hemmelege politirapportar om seg.

– Alt dette tyder på at han har kontaktar på svært høgt nivå i politiet i Istanbul og i innanriksdepartementet, seier Güc.

Ifølgje SVT risikerer Majid å miste det tyrkiske statsborgarskapet sitt på grunn av dokumentforfalsking.

(©NPK)

Rawa Majid, også kjent som den kurdiske reven, har kontaktar høgt oppe i Tyrkias myndigheiter og i politiet, meiner ein journalist. Foto: Svensk politi / TT / NTB