Desse hoppar i verdscupstarten i Ruka

Uttaket til verdscupopninga i hopp for menn vart som venta. Halvor Egner Granerud frontar ein tropp på seks mann.

Publisert: 20.11.2023 kl 15:28

Han utgjer det norske laget saman med Johann Forfang, Daniel-André Tande, Marius Lindvik, Kristoffer Sundal og Fredrik Villumstad.

Namna vart lesne opp av landslagstrenar Alexander Stöckl i ein Instagram-video måndag. Bendik Jakobsen Heggli er den einaste blant dei mannlege landslagsutøvarane som ikkje er med til Finland.

Det første verdscuprennet i sesongen går i storbakken laurdag, og ein ny konkurranse ventar dagen etter. Det er kvalifisering til opningsrennet fredag kveld.

(©NPK)

Halvor Egner Granerud startar ein ny verdscupsesong til helga. Foto: Geir Olsen / NTB