Direktøren i Tolletaten sluttar

(NPK-NTB): Tolldirektør Bjørn Røse (65), som har leidd etaten sidan 2007, går av ved utgangen av juli, opplyser Finansdepartementet.

npk@npk.no

Publisert: 13.07.2016 kl 16:02

Det er ikkje klart kven som vil ta over for Røse. Avdelingsdirektør for Kontrollavdelinga i Tolldirektoratet, Eivind Kloster-Jensen, vil inntil vidare fungere som tolldirektør, opplyser departementet.

Røse har leidd Tolletaten – som fram til nyttår heitte Toll- og avgiftsetaten – sidan september 2007. Røse skal i januar 2017 begynne som spesialrådgjevar i Finansdepartementet. (©NPK)