DNB klagar på Konkurransetilsynets vedtak om å nekte oppkjøp av Sbanken
DNB held fram kampen for å få kjøpe Sbanken. – Vi er heilt usamde i Konkurransetilsynets vurderingar, seier DNBs kommunikasjonsdirektør Vibeke Hansen Lewin.
DNB klagar saka inn for Konkurranseklagenemnda.
– Vi opplevde at tilsynet låste seg veldig tidleg i sitt syn på fondssal utan å ta omsyn til opplysningar og innspel dei fekk frå DNB og Sbanken undervegs i prosessen, seier Lewin.
DNB meiner oppkjøpet skulle ha vore godkjent av Konkurransetilsynet med dei tiltaka som banken foreslo.
– DNB ville ikkje fått sterkare marknadsdel på fondssal gjennom ei samanslåing, ettersom fondsbiten skulle seljast til ein annan aktør i sparemarknaden. I tillegg inneheld avtalane som er presenterte, tiltak som skulle styrkje konkurransen etter overføringa, seier kommunikasjonsdirektøren.