DNB: Reiseforsikring dekkjer avbestilling i Nice

– Reiseforsikringane våre dekkjer avbestilling til og med torsdag 21. juli viss ikkje flyselskapet eller reiseoperatøren kan booke om reisa, og heimreise frå Nice til og med torsdag 21. juli om du ønskjer å reise derfrå tidlegare enn planlagt. Ta først kontakt med flyselskapet eller reiseoperatøren for å få booka om reisa, opplyser DNB i ei melding til kundane.

Selskapet vurderer å forlengje avbestillingsfristen, avhengig av korleis situasjonen i Frankrike utviklar seg etter terrorangrepet i Nice torsdag. (©NPK)