Dollarkurs og oppkjøp gav godt Yara-resultat

(NPK-NTB): Yara meir enn dobla overskotet frå tredje kvartal i fjor til same perioden i år. Forklaringa ligg blant anna i den sterke dollarkursen og at gjødselgiganten har kjøpt opp to selskap.

npk@npk.no

Publisert: 21.10.2015 kl 14:13

Sist oppdatert: 21.10.2015 kl 17:17

Resultatet før skatt i tredje kvartal i år var 4,4 milliardar kroner, mot 2 milliardar i månadene juli– september i fjor. Tilsvarande auka omsetninga frå 24,1 til 30,5 milliardar kroner.

– Eg er glad for å sjå at veksten held fram for leveransane av produkta våre, med sterkast vekst utanfor Europa, seier konsernsjef Svein Tore Holsether.