Dopingtatt vektløftar kan miste begge OL-gulla sine

(NPK-NTB-AP): Vektløftaren Ilja Iljin frå Kasakhstan står i fare for å miste OL-gulla sine frå 2008 og 2012 etter at prøver frå meisterskapa har vorte testa på nytt og gav positive resultat.

npk@npk.no

Publisert: 20.06.2016 kl 20:29

Det opplyste Det internasjonale vektløftingsforbundet måndag.

Tjueåtteåringen, som vann 94-kilosklassen under OL i Beijing og London, er tatt i doping etter at prøvene frå begge meisterskapa har vorte analyserte på nytt.

Iljin er éin av sju vektløftarar frå seks land som har testa positivt etter nye analysar av 2008-prøvene. For 2012-prøvene vart òg tre andre kasakhstanarar tatt.