Dør på passasjerfly opna seg under flyging

Eit Asiana Airlines-fly landa fredag trygt i den sørkoreanske byen Daegu etter at ei dør på flyet opna seg kort tid før det nådde flyplassen.

Publisert: 26.05.2023 kl 08:54

Flyet landa på Daegu flyplass rundt klokka 12.40 lokal tid etter avgang frå øya Jeju ein time tidlegare, viste flyruta til flyplassen.

Ingen vart skadde i hendinga, men nokre passasjerar vart frakta til sjukehus med pusteproblem på grunn av sjokk, opplyser ein talsperson for selskapet.

Sørkoreanske styresmakter har starta ei etterforsking av hendinga.

– Vi etterforskar hendinga etter at ein passasjer som sat i nærleiken av nødutgangen, sa at han var borti spaken til døra, seier ein talsperson for politiet.