Tips oss:
Tips
Sentralbord: 70 07 44 22 Mobil: 995 22 999
Kontakt
(NPK-NTB): Flyktningkrisa i Syria stod på dagsordenen då dronning Rania av Jordan møtte statsminister Erna Solberg.
npk@npk.no
Publisert: 14.01.2016 kl 10:49
Bakgrunnen for møtet torsdag er givarlandskonferansen for Syria som skal haldast i London 4. februar. Noreg har tatt initiativ til konferansen og er vertskap saman med Storbritannia, Tyskland og Kuwait.
Dronning Rania er no på rundtur til alle dei fire landa for å drøfte kva som kan gjerast for flyktningane. Jordan har tatt imot drygt 600.000 syrarar dei siste åra, og har i tillegg tusenvis av flyktningar frå andre land som Irak, Jemen og Palestina.
– Dronninga har eit stort engasjement, særleg for utdanning. Ho har også tankar om korleis flyktningar kan setjast i arbeid, seier Erna Solberg.
Flyktningar har ikkje lov til å jobbe i Jordan, men dronning Rania har idear om å starte opp produksjon av varer som kan bli ei eiga flyktningmerkevare, opplyser Solberg. (©NPK)
Artikkelen fortsetter etter annonsen.