Tips oss:
Tips
Sentralbord: 70 07 44 22 Mobil: 995 22 999
Kontakt
Den svenske stavstjerna Armand «Mondo» Duplantis herja med resten av feltet og vann finalen i friidretts-VM med verdsrekord på 6,21 meter.
andreas.jakobsen@ntb.no/hege.grov@npk.no
Publisert: 25.07.2022 kl 09:22
Dermed heva han den tidlegare rekorden sin frå 6,20, som han kom seg over i innandørs-VM i Beograd i mars i år.
–Det var fantastisk. Eg kan verkeleg ikkje klage, sa Duplantis ifølgje TT.
Duplantis var åleine igjen i stavkonkurransen etter at dei siste tre konkurrentane hadde rive på 6 meter. Då gjekk han først over 6,06 før han bad om å få heva lista til rekordhøgd.
Det gjekk ikkje i det første forsøket, men i forsøk nummer to kom han over og kunne juble vilt for rekord. Han feira med familien og tok ein salto av eufori.
– Eg tenkte eigentleg ikkje på rekorden så mykje. Det er normalt sett i bakhovudet, men eg var så fokusert på å takle vinden og eg ville verkeleg ha gullet. Det er medaljen eg har mangla, sa Duplantis.
– Med tanke på kor høgt over stonga eg kom, så er det moglegheiter for fleire rekordar i framtida, sa han.
Han vil ikkje omgåande spekulere i kor høgt ein eventuell neste rekord vil bli.
– Eg kan ikkje tenkje på neste høgd akkurat no. Eg skal ha litt fri, vere med familie og venner. Det er det einaste som betyr noko no, sa superstjerna.
– Det var fantastisk. Det er det beste hoppet han har gjort, sa pappa Greg Duplantis til SVT.
Den norske tikjemparen Sander Skotheim lét seg også imponere.
– Han er frå ein annan planet. Han er noko for seg sjølv, sa Skotheim, som også har også konkurrert i stavsprang i VM.
(©NPK)
Armand Duplantis svingar seg over lista. Foto: Stian Lysberg Solum / NTB
Armand Duplantis klarerer lista. Foto: Stian Lysberg Solum / NTB
Armand Duplantis sette verdsrekord med 6,21 og vann VM-gull i USA. Foto: Charlie Riedel / AP / NTB
Artikkelen fortsetter etter annonsen.