Eigen overeinskomst for bensinstasjonar på plass

– Bensinstasjonar er eit nytt område i Virke, så vi er svært tilfredse med å få på plass ny bensinstasjonsovereinskomst, seier forhandlingsleiar Bård Westbye i Virke.

Han legg til at det var krevjande forhandlingar, men at dei var prega av ein konstruktiv dialog og god framdrift.

– Alt i alt har vi kome fram til ein overeinskomst som varetar behova til både arbeidstakarane og arbeidsgjevarane på ein god måte, seier Westbye.

Partane har gjennom forhandlingane komme til semje om ein ny struktur på minstelønnssatsane. Det vart semje om å sette ned eit partssamansett utval som skal sjå på eit framtidig lønnstrinnsystem og garantireglar.

Oppgjeret er innanfor rammene frå frontfaget. (©NPK)