Ekstraordinært tryggingsmøte i Tyskland

(NPK-NTB-Reuters): Tysklands statsminister Angela Merkel og fleire ministrar skal halde eit ekstraordinært tryggingsmøte etter at ein fotballkamp i Hannover blei avlyst på grunn av ein terrortrussel.

Samtalane vil finne stad onsdag etter eit ordinært møte i regjeringa, opplyser to ulike regjeringskjelder.

Visestatsminister Sigmar Gabriel har avlyst andre avtalar for å kunne ta del. Truleg vil også etterretningssjefar ta del på møtet.

Ein terrortrussel mot fotballstadionet HDI Arena i storbyen Hannover tysdag førte til at ein vennskapskamp mellom Tyskland og Nederland blei avlyst.

Statsminister Merkel og fleire andre toppar skulle vere blant gjestene under fotballkampen som skulle bli eit «symbol på fridom» og markere at ein ikkje føyer seg for terrorisme. (©NPK)