Endringar i den danske regjeringa

Endringane kjem etter at den omstridde miljø- og matvareministeren Eva Kjer Hansen laurdag trekte seg, og dermed hindra regjeringskrise.

Eva Kjer Hansen blir erstatta av Esben Lunde Larsen (V), som har vore utdannings- og forskingsminister. Denne statsrådsposten tek Ulla Tørnæs over. Ho har til no har vore Venstres einaste medlem i EU-parlamentet i Brussel.

Folketingsmedlem Morten Løkkegaard erstattar Tørnæs i Brussel. Tørnes har tidlegare vore utviklingsminister frå 2005 til 2010 og var undervisningsminister frå 2001 til 2005.

Eva Kjer Hansen trekte seg som miljø- og matvareminister etter å ha blitt skulda for å ha villeia Folketinget med feil i miljørekneskapen i landbrukspakka til regjeringa. Ho vart skulda for å ha tatt meir omsyn til bøndene enn til natur og miljø. (©NPK)