Annonse

England mot Russland mest pop på TV 2

(NPK-NTB): Kampen mellom England og Russland samla 812.000 sjåarar og er den mest sette i fotball-EM på TV 2 så langt.

Bak der følgjer opningskampen mellom Frankrike og Romania med 727.000 sjåarar.

– Vi ser igjen at dei store fotballmeisterskapa engasjerer bredt i befolkninga og skaper ein heilt spesiell energi og ramme, seier TV 2s sportssjef Vegard Jansen Hagen.

Alle kampar er likevel ikkje like populære. Wales mot Slovakia samla 304.000 tilskodarar. 279.000 fekk med seg oppgjeret Polen mot Nord-Irland. (©NPK)