EØS-tilsyn godkjenner støtte til avlyst oljekonferanse
Esa har godkjent den statlege støtta til oljekonferansen ONS, som måtte avlysast på grunn av covid-19-pandemien.
Annakvart år blir deltakarar frå heile verda samla i Stavanger til den fem dagar lange konferansen for olje- og energibransjen. I år måtte konferansen avlysast.
For å dekkje delar av underskotet, gjekk regjeringa inn for å gi arrangøren – stiftinga ONS – 21 millionar kroner. Fredag slo Esa fast at støtta er i tråd med EØS-avtalen.
(©NPK)
ONS samlar vanlegvis aktørar frå heile verda, men måtte i år avlyse. Arkivfoto: Carina Johansen / NTB / NPK