Eskås ikkje blant hovuddommarane i fotball-EM
Fotballdommar Espen Eskås og teamet hans er ikkje blant dei 18 utvalde som skal fordele dei 51 kampane i fotball-EM i sommar mellom seg.
Eskås og kollegaen hans Jan Erik Engan er likevel tekne ut til å vere fjerdedommar og assistentdommar-reserve, kjem det fram av lista til Det europeiske fotballforbundet (Uefa).
Eskås er Noregs høgast rangerte dommar. Han har det siste året fått fleire oppdrag i meisterligaen og europaligaen, og i fjor sommar dømde han finalen i U21-EM. I sommar skal han dømme i OL.
Desse dommarane er tekne ut til EM i Tyskland:
Artur Soares Dias (Portugal), Jesús Gil Manzano (Spania), Marco Guida (Italia), Istvan Kovács (Romania), Ivan Kruzliak (Slovakia), François Letexier (Frankrike), Danny Makkelie (Nederland), Szymon Marciniak (Polen), Halil Umut Meler (Tyrkia), Glenn Nyberg (Sverige), Michael Oliver (England), Daniele Orsato (Italia), Sandro Schärer (Sveits), Daniel Siebert (Tyskland), Anthony Taylor (England), Clément Turpin (Frankrike), Slavko Vinčić (Slovenia), Felix Zwayer (Tyskland).
Også Facundo Tello frå Argentina skal dømme i EM. Det er ein del av eit samarbeid mellom Uefa og det søramerikanske fotballforbundet (Conmebol).
(©NPK)
Dommar Espen Eskås hadde hovudansvaret under Oslo-derbyet på Ullevaal i helga.
Foto: Terje Pedersen / NTB