Etterforskar: Nice-angrepet var planlagt

(NPK-NTB-AP-AFP): Angrepet i Nice var planlagt, og angriparen hadde ei klar interesse for radikal islam, fastslår den franske etterforskingsleiaren.

npk@npk.no

Publisert: 18.07.2016 kl 17:36

Mannen som køyrde ned og drap 84 personar på promenaden i Nice, hadde på førehand søkt etter IS-propaganda og informasjon om Orlando-angrepet på nettet.

Han hadde òg søkt informasjon om angrepet i Paris-forstaden Magnanville, der ein ung mann drap ein politimann og kona si ved og i parets eigen bustad.

Etterforskningsleiar François Molins stadfester også at Mohamed Lahouaiej-Bouhlel besøkte Promenade dess Anglais ved fleire høve, og at han tok bilete av seg sjølv med mobiltelefonen på promenaden same dag som angrepet fann stad. (©NPK)