EU opnar gransking av kinesiske elbilsubsidiar

EU har offisielt opna ei gransking av dei kinesiske subsidiane til elbilproduksjon. Det kan føre til straffetoll på import av kinesiske elbilar til EU-landa.

Publisert: 04.10.2023 kl 20:23

EU-kommisjonen-leiar Ursula von der Leyen varsla ei slik gransking førre månad. Ho skulda då Beijing for å fløyme over marknaden med billige elektriske bilar.

– Prisen blir halden kunstig lågt med store statlege subsidiar. Dette forstyrrar marknaden vår, sa ho.

Ifølgje EU-kommisjonen er kinesiske elbilar gjerne rundt 20 prosent billigare enn tilsvarande bilar bygde i EU. Den kinesiske marknadsdelen er venta å bli på opp mot 15 prosent i 2025.

Det kinesiske handelsdepartementet kallar granskinga for «naken proteksjonisme» og seier ho vil ha negativ innverknad på forholdet til EU.

(©NPK)

EU-kommisjonens leiar Ursula von der Leyen anklagar Kina for å fløyme over EU-marknaden med kunstig billige elbilar. Foto: Andres Kudacki / AP / NTB