EU-sjefen vil byggje ein sterkare helseunion

– Det europeiske folket lir framleis, seier EU-kommisjonens president Ursula von der Leyen, og tek til orde for eit sterkare helsesamarbeid blant medlemslanda.

anne.marjatta.goystdal@ntb.no/hege.grov@npk.no

Publisert: 16.09.2020 kl 10:32

EU treng eit sterkare helsesystem, og koronapandemien har framheva trongen for solidaritet, peikar von der Leyen på i talen om tilstanden i unionen onsdag.

– For meg er det krystallklart – vi treng å byggje ein sterkare europeisk helseunion. Og vi er nøydde til å styrkje kriseberedskapen og styringa vår av grenseoverskridande helsetruslar, sa ho.

Von der Leyen kunngjorde skipinga av eit eige byrå for biomedisinsk avansert forsking og utvikling, som skal heite Barda. EU-kommisjonen foreslår òg å auke løyvingane til EU sitt helseprogram, og dessutan å halde eit globalt helsetoppmøte i Italia neste år.

(©NPK)

Presidenten i EU-kommisjonen, Ursula von der Leyen, heldt onsdag sin første tale om situasjonen i unionen i Brussel. Foto: AP / NTB