Everton-sjefen oppgitt etter omdiskutert straffesituasjon: – Eg trur ingen helt forstår reglane

Med ein halvtime igjen fekk gjestene moglegheita frå ellevemeteren etter at eit skot frå Nathan Aké trefte høgrearmen til Amadou Onana. Det fekk Sean Dyche til å reagere.

– Veit du kva? Eg har inga aning om kvifor det er straffe, og det trur eg ingen andre har heller. Vi hadde eit zoom-møte for nokre månader sidan der vi fekk forklart reglane, men ingen trenarar skjønner kva som er straffbar hands, og kva som ikkje er det. Korleis skal vi klare å definere det? spurde ein misfornøgd Dyche på pressekonferansen etter kampen.

Vidare sende han eit syrleg stikk i retning reglementet.

– Du tek i bruk krystallkula. Viss Amadou gjorde det med vilje, er han i så fall ei god målvakt, fordi han reagerte som ein katt. For ei redning, sa ein ironisk Dyche.

City vann oppgjeret på Merseyside 3-1 etter å ha lege under 0-1 til pause. I fråværet av Erling Braut Haaland sørgde Phil Foden, Julian Alvarez og Bernardo Silva for måla.

(©NPK)

Sean Dyche var skuffa etter kampen mot Manchester City onsdag. Foto: Ian Walton / AP / NTB