Färber ny generalsekretær i Frp

– Vi har med tilsetjinga av Färber sikra oss ein generalsekretær med lang leiarerfaring og solide kunnskapar om politikk og strategi, seier Frp-leiar Siv Jensen i ei pressemelding.

Färber har tidlegare vore kommunikasjonssjef i Frp. Han er i dag statssekretær i Finansdepartementet.

– Eg ser fram til å starte i ei krevjande administrativ stilling som kombinerer politikk, strategi og leiing, seier han.

Färber tiltrer stillinga som generalsekretær 1. august. Øistein Lid vil fungere som konstituert generalsekretær fram til då. Lid har vore konstituert etter at Finn Egil Holm sa opp stillinga i januar. (©NPK)