Fellingsløyve på ulv i Stange i Hedmark

Personen som tok bileta vil vere anonym, men seier via ein mellommann til Hamar Arbeiderblad at bileta av ulven like utanfor huset vart tatt tidleg torsdag morgon.

Fylkesmannen i Hedmark har gitt fellingsløyve på ulven.

– Til helga er det beiteslipp. I Vallset, som mange andre stadar, skal sau og lam sleppast ut på beite. Derfor gav vi fellingsløyve for eventuelt å kunne ta ut ulven før han gjer skade, seier seniorrådgjevar Øyvind Gotehus til avisa.

I førre veke vart det også gitt fellingsløyve på ulv i Lom og Vågå, og områda i Sel, Dovre og Nord-Fron som ligg vest for Gudbrandsdalslågen. (©NPK)