Felt skabbulv var alfahannen frå Østmarka

Ulven blei avliva av Fylkesmannen i Oslo og Akershus 19. januar. Ulven hadde skabb og var i dårleg forfatning. Han skal ha opphalde seg nær busetnaden i Enebakk like søraust for Oslo.

– DNA-analysen frå Rovdata viser at den avliva ulven er leiarhannen i Østmarka-reviret. Etter at tispa i Østmarka blei skoten i nødverje tidlegare i haust, er det no berre kvalpane att i reviret. På denne tida av året vil ulvekvalpar vera store nok til å klara seg sjølve, seier Knut Morten Vangen i Miljødirektoratet.

Kvalpane vil bli følgde opp vidare gjennom ulveovervakinga som går føre seg heile tida, fortel han. (©NPK)