Filippinane: – Arresterte potensielle sjølvmordsbombarar

Militæret på Filippinane har arrestert ni kvinner som dei beskriv som potensielle sjølvmordsbombarar knytte til gruppa Abu Sayyaf.

fredrik.moen.gabrielsen@ntb.no/hege.grov@npk.no

Publisert: 23.02.2021 kl 10:46

Kvinnene skal ha vorte tekne til fange under militæroperasjonar i tre byar i provinsen Sulu fredag.

Soldatane skal òg ha beslaglagt batteri, spiker, ein granat og andre gjenstandar som kan brukast til å lage bomber. Fleire av dei arresterte kvinnene er visstnok i familie med ein Abu Sayyaf-leiar som vart drepen i fjor.

Den væpna islamistgruppa Abu Sayyaf har lenge vore aktiv sørvest på Filippinane. Gruppa er tilknytt IS og stod i 2015 bak bortføringa av nordmannen Kjartan Sekkingstad.