Finansdepartementet anslår inntekter på 4,5 milliardar kroner frå lakseskatten

Det er bransjeavisa IntraFish som fører talet.

– Anslått bruttoproveny frå grunnrenteskatten på havbruk er på usikkert grunnlag rekna til om lag 4,5 milliardar kroner komme for 2024, skriv departementet.

Det vil i så fall vere litt under anslaget til regjeringa på fem milliardar kroner, men Finansdepartementet presiserer at anslaga framleis er veldig usikre.

Lakseskatten har møtt mykje motstand i oppdrettsnæringa.

– Satsen må vesentleg ned, normprisrådet må fjernast og næringa må kunne betale skatt på bakgrunn av faktiske inntekter og utgifter. Dette og meir ser vi fram til å snakke til finanskomiteen om fredag, seier fagsjef for industri og skatt i Sjømat Norge, Martine Werring-Westly, til IntraFish.

(©NPK)

Regjeringa forventar å tene 4,5 milliardar kroner frå den nye lakseskatten.
Foto: Gorm Kallestad / NTB / NPK