Fleire arresterte etter funn av mistenkjeleg bil i Paris

Gassflaskene blei funne i ein Peugeot 607, som blei funnen utan bilskilt eller førar ved den historiske katedralen søndag.

– Behaldarane var ikkje kopla til nokon detonator, opplyser ei «informert kjelde» til den franske avisa Le Figaro.

Franske antiterrorstyresmakter og ekspertar innan rettsmedisin har saumfare køyretøyet, og har ifølgje Le Parisien også funne ei bok med notat skrivne på arabisk.

Den gåtefulle og forstyrrande hendinga blir teken svært alvorleg av franske styresmakter i lys av dagens trusselbilde mot Frankrike, ifølgje avisa.

Statsminister Manuel Valls sa tysdag på Fransk TV at «terrortrusselen aldri har vore så høg».(©NPK)