Fleire flytter austover enn vestover i Tyskland

(NPK-NTB-AFP): For første gong sidan Tysklands gjenforeining flyttar fleire personar frå vesttyske til austtyske delstatar enn omvendt. Årsaka er først og fremst populære Berlin.

npk@npk.no

Publisert: 30.05.2016 kl 17:14

Etter at muren fall i 1989 strøymde rundt 200.000 austtyskarar årleg inn i det gamle Vest-Tyskland på jakt etter jobb og betre levekår.

Først i 2014 snudde trenden, viser statistikken frå landets føderale institutt for befolkningsstudium måndag. Årsaka er i all hovudsak at stadig fleire tyskarar flyttar til hovudstaden.

– Berlin og omland har blitt attraktiv for migrantar frå vest. Utan Berlin ville nettoinnflyttinga framleis vore negativ, påpeiker instituttet.

Andre storbyar i aust, som Dresden og Leipzig, har òg hatt aukande innflytting, men fleirtalet av dei mindre byane slit stadig med fråflytting.