Fleire kamera på Olympiatoppen hacka

Det er montert fire kamera som filmar utøvarane medan dei trenar på Olympiatoppen. Utstyret blir brukt til å finpusse teknikken. Gjennom fjoråret blei desse kameraa hacka.

Fleire bilete og videoar er no spreidd på sosiale medium.

– For det første er det djupt beklageleg at dette har skjedd, og vi legg oss flate. Vi har meldt dette som ei avvikssak der NTNU og Olympiatoppen tek på seg eit felles ansvar for det som har skjedd, seier Lars Jacob Stovner ved Institutt for nevromedisin til NRK.

Totalt har 17 personar blitt identifiserte i videoen.

– Så vidt eg veit har alle saman teke dette med fatning, seier Stovner. (©NPK)