Fleire melder seg arbeidsledige i USA
For andre veke på rad aukar talet som melder seg arbeidsledige i USA, noko som aukar frykta for at koronapandemien rammar økonomien hardare enn venta.
778.000 har søkt arbeidsløysetrygd i USA den siste veka, 30.000 fleire enn veka før og også fleire enn det analytikarane hadde spådd.
Før pandemien ramma USA med full styrke i mars, var det vanlegvis rundt 225.000 nye ledige som søkte om støtte kvar veke.
6,1 millionar amerikanarar er no registrerte som arbeidsledige og får trygd, mot 1,7 millionar for eitt år sidan.
(©NPK)