Fleire redda frå drukning i år

Hittil i år har redningsskøytene berga nærare 50 prosent fleire fartøy enn i same perioden i fjor, opplyser Redningsselskapet.

Organisasjonen meiner å sjå at trafikken på sjøen aukar, og at dette fører til fleire uhell og potensielt kritiske hendingar. Samtidig seier beredskapskoordinator Tony André Johansen at Redningsselskapet er godt rusta til å møte dei nye utfordringane.

– Fleire stasjonar enn før, flåtefornying og raskare redningsskøyter gjer at vi har fått ned responstida og er raskare på plass. På sommaren er det auka aktivitet i sør, som gir eit anna risikobilete, og om vinteren ser vi tilsvarande trendar i nord i samband med mellom anna auka fiskeriaktivitet, seier Johansen. (©NPK)