Fly til Storbritannia blir sprøyta mot zikamygg

Avisa The Guardian skriv fredag at tiltaket er meint som eit tryggingstiltak for å bidra til å stoppe spreiinga av viruset.

– Det er eit førebyggjande tiltak som skal redusere risikoen for passasjerar som reiser med fly til Storbritannia. Eg understrekar at risikoen for å bli smitta i Storbritannia er svært låg, seier den britiske helseministeren Jane Ellison.

– Vi rår dei som reiser til dei berørte områda om å redusere risikoen for å bli smitta ved å bruke myggspray og bruke langerma skjorter og bukser, legg ho til.

Zikaviruset er enno ikkje konstatert i Storbritannia, men to personar i Irland har vore smitta. Dei to er seinare blitt heilt friskmelde. (©NPK)