Folket har igjen tillit til kyllingkjøt

I 2014 hagla det kritikk mot norske kyllingprodusentar etter at Veterinærinstituttet fann store førekomstar av ein resistent bakterie i dyra. Det var bruken av narasin i fôret, eit middel som nedkjempar tarmsjukdom, som førte til ein langvarig mediestorm rundt kyllingprodusentane.

No seier kvalitetssjef Christin Schaumburg Bjønness i Den stolte hane til Nationen at tilliten er tilbake hos forbrukarane.

– Å fase ut narasin av kyllingproduksjonen vår har gått betre enn forventa, seier ho.

Salet av kylling gjekk ned etter store medieoppslag i 2014, men i 2016 er veksten høg.

– Ser vi på omsetning per månad, ligg veksten langt over 2015, og betydeleg over nivået i 2014, seier administrerande direktør Fredrik Strømmen i Den stolte hane. Både Nortura, Den stolte hane og Norsk kylling har fasa ut stoffet. (©NPK)