Tips oss:
Tips
Sentralbord: 70 07 44 22 Mobil: 995 22 999
Kontakt
LO-kongressen gir Peggy Hessen Følsvik (61) tre nye år som leiar.
ketil.bjerke@ntb.no/kari.hamre@npk.no
Publisert: 02.06.2022 kl 15:43
Følsvik vart valt til ståande applaus på kongressen. Det var ingen motkandidatar.
I takketalen sa Følsvik at ho no gler seg til å ta fatt på oppgåvene og få realisert den nye politikken LO-kongressen vedtek fredag.
– Eg meiner den aller største oppgåva for LO i dei åra som kjem no, er å kutte klimautslepp og skape nye langsiktige, berekraftige grøne jobbar. Det er LOs aller viktigaste oppgåve, seier ho til NTB.
Følsvik var tidlegare nestleiar i LO. Ho overtok som leiar då forgjengaren Hans-Christian Gabrielsen døydde brått i fjor.
Fordi Følsvik er 61 år gammal, måtte kongressen endre aldersgrensa for toppvervet i LO frå 60 til 65 år for å bane veg for henne.
Kongressen valde Sissel M. Skoghaug til 1. nestleiar og Steinar Krogstad til 2. nestleiar. Julie Lødrup vart vald til 1.sekretær.
I tillegg vart det valt nytt sekretariat og kontrollkomité.
(©NPK)
LO-leiar Peggy Hessen Følsvik på LOs 35. ordinære kongress. Foto: Gorm Kallestad / NTB / NPK
Artikkelen fortsetter etter annonsen.