Forbundet ber jegerar slutte å legge ut blodige dyrebilde

Forbundet ønskjer ei bevisstgjering om kva slags bilde som blir lagt ut, slik at norske jegerar står fram som skikkelege overfor omverda, melder NRK.

– Det finst personar i dag som er motstandarar av jakt, og det er unødvendig å provosere med bilde av for eksempel revejakt. Blod ser stygt ut når det ligg i pels og rundt omkring. Ver varsam med korleis du tek bilde, er ganske enkelt det vi presiserer, seier Geir Thrane, som leiar Finnmark Jeger- og Fiskerforbund.

Fleire jegerar har fått truslar og hatefulle meldingar etter å ha publisert bilde frå jakt. Mellom anna tok eit jaktlag imot nærmare 40 truslar etter rypejakt i Finnmark. Enkelte av trugslane blei karakterisert som konkrete drapstruslar, ifølgje rikskringkastaren.

15. juli starta revejakta som også omfattar jakt på kvalpar.

– Ein revekvalp er omtrent på størrelse med ein liten hundekvalp. Vi veit av historia at jo mindre og søtare dyra er, jo meir provoserer det, seier han. (©NPK)