Forretningar føler seg presset til halalsertifisering

Mohammed Namik eig halalslakteriet Grønlandstorg kjøtt på Grønland i Oslo. Han sel berre halalkjøtt, men utan sertifisering frå IRN. Han fortel at han ikkje vil betale ei årleg avgift på 6.700 kroner som bind han til berre å handle kjøtt frå IRN-godkjente leverandørar.

– Det kom kundar som sa at vi ikkje sel halalkjøtt fordi vi ikkje har IRNs halalsertifikat. At IRN ikkje har godkjent oss betyr ikkje at vi ikkje sel halalprodukt. Vi kjøper gjennom Nortura, som er IRN-sertifisert, seier Namik til NRK.

Generalsekretær Mehtab Afsar i IRN avviser at organisasjonen presser forretningane.

– Vi ønskjer ikkje å oppføre oss på den måten. Dette er berre skuldingar, som eg håper dei vil trekke tilbake, seier Afsar til NRK.

Organisasjonen har årleg rundt éin million kroner i inntekter frå halalsertifisering.

– Dette kan vi ikkje seie er innanfor norsk regelverk. Eit halalprodukt kan vere halal sjølv om IRN ikkje har godkjent det, seier Karlsen til NRK.

NHO Reiseliv meiner at IRNs sertifiseringsordning kan bidra til dyrare varer og lågare driftsmarginar.

– Eg synest det er ute av kontroll. Her er det dei same som set opp kriteria for sertifisering, gjennomfører sertifiseringa og kontrollerer. Det meiner vi er uheldig, seier Karlsen.

Mehtab Afsar understrekar at halalsertifiseringa er frivillig.

– Dette er ein avtale som er forhandla mellom to partar. Vi sertifiserer og dei ønskjer å bli sertifiserte. Det er ikkje noko tvang, seier Afsar. (©NPK)