Forsvaret krev inn pistolar

Eit firesifra tal på pistolar skal vere innleverte innan 1. februar, skriv Aftenposten. Økonomiske omsyn ligg bak.

– Dette skjer ut frå eit reint behov for å spare pengar. Vi har tronge budsjettår i Hæren. Det å operere også med sekundærvåpen, og trene med det, kjøpe inn ammunisjon, er veldig kostbart for Hæren, forklarer oberstløytnant Aleksander Jankov.

Glock-pistolane som skal leverast inn, er sekundærvåpen i Hæren. Primærvåpenet er automatgevær.

Det vil bli gjort unntak for dei som er ute i eller skal ut i utanlandsoperasjonar, og for avdelingar som står i pågåande beredskap. (©NPK)