Fotballegenda Per Bredesen er død

Den tidlegare norske fotballprofilen Per Bredesen døydde måndag, 91 år gammal. Han blir rekna som ein av dei beste norske spelarane i historia.

Publisert: 03.10.2022 kl 13:47

Sist oppdatert: 03.10.2022 kl 13:48

Bredesens barnebarn Morten Bredesen Føske opplyser til NTB at den tidlegare storspelaren sovna stille inn på morgonen måndag.

– Han var eit eineståande menneske og førebilete både på og utanfor banen, skriv Føske i ei melding på Facebook.

Bredesen starta fotballkarrieren i heimbyen med Ørn-Horten. I 1952 melde han overgang til Lazio, der han spelte 93 kampar og skåra 19 mål. Han var også innom Udinese før han gjekk til Milan i 1956.

Der vart han den hittil einaste norske seriemeisteren i italiensk fotball i 1957. Som ein konsekvens av overgangen til Italia fekk Bredesen berre 18 landskampar for Noreg. Då fanst framleis regelen som sa at profesjonelle fotballspelarar vart utestengde frå landslaget. Regelen vart oppheva i 1969.

Bredesen avslutta karrieren i Ørn-Horten.

(©NPK)

Per Bredesen er død.
Foto: Arkiv / NTB