Framleis uendra styringsrente i Sverige

Riksbanken endrar heller ikkje rentebanen denne gongen. Renteauke er først venta i andre halvår 2017, heiter det. Det er ikkje rekna med at den negative renta i Sverige kjem opp mot null før i 2018.

– Utviklinga sidan juli er stort sett på line med våre prognosar, sa riksbanksjef Stefan Ingves på eit pressetreff onsdag. Svensk økonomi er prega av sterk konjunktur og stigande inflasjon, men situasjonen i resten av verda er usikker, ifølgje riksbanksjefen. (©NPK)