Framtids-vintrane vil koste Noreg dyrt

(NPK-NTB): Snølause vintrar i nytt klima vil kunne få store økonomiske konsekvensar for ei rad næringar, meiner eit ekspertpanel, som drøftar betydinga av klimaendringane for norsk vintersport.

npk@npk.no

Publisert: 09.03.2016 kl 08:51

Milliardsummar står på spel dersom vi misser vinteren slik vi kjenner han, heiter det i rapporten Grå Vinter, utgitt av Norsk Klimastiftelse, som vart lagt fram i Oslo onsdag.

Den norske vinteren slik vi kjenner han kan forsvinne heilt eller delvis dei neste generasjonane. Snøkart frå rapporten «Klima i Norge 2100» frå Norsk Klimasenter viser at lågareliggjande og kystnære delar av Noreg, der nordmenn flest bur, allereie ved midten av hundreåret kan vente seg ein vesentleg kortare snøsesong.

I år 2100 kan det normale i store delar av Noreg vere lite – om i det heile tatt noko – snø vinterstid. Kor raskt endringane kjem og kor alvorlege dei blir vil vere avhengig av klimagassutsleppa. (©NPK)