Fransk påtalemakt meiner Marine Le Pen bør tiltalast for misbruk av EU-midlar

Den omstridde politikaren var president Emmanuel Macrons fremste konkurrent under valet i april 2022. Ho var fram til i fjor leiar av partiet Nasjonal samling, som tidlegare heitte Nasjonal Front.

I april i fjor skulda korrupsjonsjegerar i EU Le Pen for millionunderslag under hennar tid som EU-parlamentarikar.

Le Pen er mistenkt for å ha brukt EU-midlar til å lønne to av dei politiske medarbeidarane sine: sekretariatsleiaren i partiet Catherine Griset og livvakta Thierry Legier. Le Pen sat i EU-parlamentet frå 2004 til 2017.

Høgrepolitikaren avviste først påstanden om misbruk av EU-midlar, men har gått langt i å erkjenne at dei personane jobba for henne som EU-politikar. Ho har likevel nekta å betale tilbake 339.000 euro som ho feilaktig fekk frå lønnskontoret i parlamentet.

Det er no opp til franske forhøyrsdommarar å avgjere om saka skal leggjast fram for retten.

Fransk påtalemakt meiner at ytre høgre-politikaren Marine Le Pen bør tiltalast for misbruk av EU-midlar. Bildet er tatt under eit besøk i Pontida i Italia i helga. Foto: LaPresse via AP / NTB