Annonse

Frp-politikar siktet for overgrepsbilete og narkotika

(NPK-NTB): Ein Frp-politikar frå Austlandet er sikta for eige av overgrepsbilete av barn, og narkotikalovbrot.

Mannen, som er i 40-årene, har tidlegare hatt rikspolitiske verv, og sat inntil for kort tid sidan i kommunestyret i ein kommune på Austlandet.

Politiadvokaten i den aktuelle kommunen seier til VG at mannen blei arrestert av politiet i slutten av mai i samband med mistanke om oppbevaring av barnepornografisk materiale.

– Det var i forbindelse med ransakinga at vi òg fann narkotika, seier politiadvokaten, som seier mannen er siktet for oppbevaring av ein monaleg mengde narkotika.

Frp-politikaren sin forsvarer, Gunhild Lærum, seier det er for tidleg å ta stilling til siktinga.

– Men når det gjeld narkotikalovbrot vedgår han dette langt på veg. Det er ein personleg tragedie, men omfanget er ikkje avklart enno. Han er svært lei seg og har det vanskeleg personleg, seier Lærum.

Ifølgje politiadvokaten nektar han straffskuld for omgang med framstillingar som seksualiserer barn.

Ordføraren i kommunen seier saka blei kjent for dei måndag da dei tok imot ein fritakssøknad frå politikaren sjølv. (©NPK)