Frp vurderer 20 forslag for færre flyktningar

Forslaga er i første omgang spelt inn til landsstyret til partiet som møtest i helga, skriv Vårt Land.

Frp-politikar Christian Tybring-Gjedde seier stortingsgruppa har klare forventningar til regjeringas tilleggsproposisjon om flyktningsituasjonen, som kjem neste fredag.

– Kostnadsspørsmålet blir viktig. Men viktigast blir innstrammingstiltaka som vi forventar kjem, seier han til avisa.

Blant forslaga er å opprette asylsenter utanfor Schengen, stramme inn rett til familiegjenforeining i perioden med midlertidig opphald, og at einslege mindreårige asylsøkjarar ikkje skal ha rett på familiegjenforeining. Gruppa ønskjer også at Noreg skal seie nei til å delta i EU-programmet for å fordele flyktningar. Statsminister Erna Solberg (H) har alt sagt at Noreg skal delta.

Samarbeidspartia til regjeringa, KrF og Venstre, er skeptiske til dei fleste av Frp-forslaga. (©NPK)