Fryktar at millionar av personopplysningar er på avvege etter hacking

TalkTalk har om lag fire millionar kundar, og ifølgje selskapet kan hackarane ha fått tak i informasjon om kundane sine namn, adresser og bankopplysningar.

– Det er fare for at personlege opplysningar om alle våre kundar har kome uvedkommande i hende, medgir administrerande direktør i TalkTalk Dido Harding overfor BBC.

Mobilselskapet innrømmer på nettsida si fredag at ikkje alle kundeopplysningane var krypterte.

Harding seier at TalkTalk har blitt kontakta av nokon som hevdar å stå bak hackinga og som krev pengar, men ho veit ikkje om det er ein enkeltperson eller ei gruppe som fremja kravet. (©NPK)