Gaute Grøtta Grav blir ordførarkandidat i Rauma

Tidlegare Farmen-programleiar Gaute Grøtta Grav blir Høgres ordførarkandidat i Rauma kommune.

Publisert: 05.10.2022 kl 20:18

– Vi er veldig glad for at Gaute har takka ja. Han er ein veldig spennande kandidat og viser eit stort engasjement som samfunnsborgar. Ambisjonen vår er at han blir ny ordførar i Rauma, og rett mann til å løfte kommunen opp og fram, seier leiar Lars Olav Hustad i nominasjonskomiteen til TV 2.

Grøtta Grav bur i Isfjorden i Rauma og jobbar mellom anna med reiseliv. Frå 2004 til 2019 var han programleiar i Farmen på TV 2.

(©NPK)

Gaute Grøtta Grav blir Høyres ordførarkandidat i Rauma kommune. Foto: Marit Hommedal / NTB