Goliat får ikkje starte opp igjen

Goliat har vore stengd sidan straumbrotet fredag 26. august, som førte til evakuering og pålegg om gransking.

– Vi har gått gjennom den førebelse granskingsrapporten til Eni og sett på det totale tryggleiksbiletet på Goliat og kva Eni skal gjennomføre før dei er klare til å starte opp igjen, seier kommunikasjonssjef Inger Anda i Petroleumstilsynet til NTB.

Det er Eni som har ansvar for tryggleik og forsvarleg drift, men i denne saka får dei ikkje lov til å starte opp igjen utan klarering:

– Før oppstart skal dei ha eit nytt møte med oss. Dei kan ikkje trykkje på startknappen utan å ha hatt det møtet, seier Anda.

Ho vil ikkje spekulere i kor lang tid det kan ta før Goliat igjen er i produksjon. (©NPK)