Graham Hansen forlengde med Barcelona: – Veldig glad

Caroline Graham Hansen har skrive under på ein ny kontrakt med den spanske storklubben Barcelona til sommaren 2026.

Publisert: 16.01.2023 kl 19:43

Graham Hansen har levert godt for spanjolane etter overgangen frå Wolfsburg i 2019. Ho har allereie vunne éin meisterligatittel og tre ligatitlar i tillegg til ei rekkje cupar.

No forlengjer ho kontrakten til 2026, opplyser Barcelona på nettsidene sine måndag.

– Eg er veldig glad og stolt over å kunne halde her fram med laget og klubben. Eg vil nyte åra som kjem, seier den norske angriparen i pressemeldinga.

Ho har til no spelt 103 kampar for Barcelona. Hansen hentar seg for tida inn etter ein muskelskade.

I fjor sommar opplyste 27-åringen at ho tek pause frå landslaget på ubestemd tid. Ho står med heile 97 landskampar.

(©NPK)

Caroline Graham Hansen har vidareført kontrakten med Barcelona. Foto: Ole Martin Wold / NTB